अन्तर्राष्ट्रिय खबर । इजरायलका प्रधानमन्त्री बेन्जामिन नेतन्याहु ले इरानका ऊर्जा संरचनामाथि थप आक्रमण नगर्ने घोषणा गरेका छन्। उनले अमेरिकी राष्ट्रपति डोनाल्ड ट्रम्प को अनुरोधपछि यस्तो निर्णय लिएको बताएका हुन्।
बिहीबार पत्रकार सम्मेलनमा बोल्दै नेतन्याहुले हालै इजरायलले इरानको दक्षिण पार्स ग्यास क्षेत्रमा रहेको एक प्रशोधन केन्द्रमा आक्रमण गरेको पुष्टि गरे। उक्त क्षेत्र विश्वकै ठूला प्राकृतिक ग्यास भण्डारमध्ये एक मानिन्छ, जसले यो कदमलाई युद्ध थप चर्काउने संकेतका रूपमा हेरिएको छ।
यसअघि इजरायलले इरानका इन्धन भण्डारण स्थलहरूमा मात्र प्रहार गर्दै आएको थियो, तर उत्पादन केन्द्रमै हमला गर्नु परिस्थितिको नयाँ मोड मानिएको छ।
उता, इरानले पनि जवाफी कदमस्वरूप पर्सियन खाडी क्षेत्रमा रहेका ऊर्जा संरचनामा हमला गरेको छ। विशेषगरी कतारको रास लाफान ऊर्जा केन्द्रमा क्षति पुगेको बताइएको छ।
यस घटनापछि अन्तर्राष्ट्रिय बजारमा ऊर्जा मूल्य तीव्र रूपमा बढेको छ भने दीर्घकालीन रूपमा ग्यास अभाव हुने जोखिमसमेत बढेको विश्लेषकहरूले बताएका छन्।
