काठमाडौ । देशभर मनसुनी वायुको प्रभाव कायम रहँदा आज विभिन्न स्थानमा हल्कादेखि मध्यम वर्षाको सम्भावना रहेको छ। कोशी, बागमती, गण्डकी, कर्णाली, लुम्बिनी र सुदूरपश्चिमका हिमाली तथा पहाडी क्षेत्रमा भारी वर्षाको सम्भावना रहेको मौसम पूर्वानुमान महाशाखाले जनाएको छ।
केही स्थानमा धेरै भारी वर्षा समेत हुनसक्ने भएकाले बाढी, पहिरो, गेग्रान बहाव तथा भूक्षयको जोखिम बढेको छ। वर्षाका कारण सडक तथा हवाई यातायात, कृषि, पर्यटन र दैनिक जनजीवन प्रभावित हुनसक्ने भएकाले आवश्यक सतर्कता अपनाउन महाशाखाले आग्रह गरेको छ।
