काठमाडौ । नेपालमा अदालती विवाह (कोर्ट म्यारिज) गर्ने प्रक्रिया अब अझै सहज भएको छ। नवविवाहित जोडीले अदालत नगई नै अनलाइनमार्फत निवेदन दर्ता, आवश्यक कागजात अपलोड तथा शुल्क तिर्न सक्ने व्यवस्था गरिएको छ।
हालै भएको एक कार्यक्रममा प्रधानन्यायाधीशले अनलाइन अदालत सेवाको सुरुवात गरेका छन्, जसअन्तर्गत ७७ वटै जिल्ला अदालतमा केही सेवाहरू डिजिटल माध्यमबाट उपलब्ध गराइनेछ।
अब अदालत धाउनुपर्ने झन्झट कम हुँदै, निवेदकहरूले अनलाइनबाटै आवश्यक प्रक्रिया पूरा गर्न सक्नेछन्। अन्तिम प्रमाणपत्र लिन भने सक्कल कागजातसहित अदालतमा उपस्थित हुनुपर्नेछ। अदालत प्रशासनले यो नयाँ प्रणालीले सेवाग्राहीलाई छिटो र सरल सेवा उपलब्ध गराउने अपेक्षा गरेको छ।
