धादिङ । तामाङ घेदुङको केन्द्रिय सदस्य एबं जिल्ला इन्चार्ज, समाजसेबी दिनेश तामाङ सोमबार मोटरसाइकल दुर्घटनामा पर्नु भएको छ । सोमबार पोखरा जाने क्रममा दमौलीको कोत्रे भन्ने ठाउमा सांगुरो सडक, खाल्डाखुल्डीको कारण अनियंत्रित भै दुर्घटना भएको तामाङका भाइ सुसन तामाङले होराईजन खबरलाई बताउनु भयो ।
आँखा र टाउकोमा चोट लागेर आइसियुमा भएता पनि उनको अवस्था सामान्य रहेको सुसन तामाङले बताउनु भयो । साथै चालक महेन्द्र तामाङ पनि घाइते हुनु भएको थियो ।
होराईजन खबरको सल्लाहकार समेत रहनु भएका दिनेश तामाङ नागरिक नायक बाट सम्मानित भै सक्नु भएको छ । त्यस्तै अन्तर्राष्ट्रिय धादिङ समाजका बरिस्ठ उपाध्यक्ष समेत हुनुहुन्छ ।
