धादिङ । गंगाजमुना गाउँपालिका वडा नं ५ मा अवस्थित प्रमुख धार्मिक तथा पर्यटकीय स्थल गंगाजमुना माई मेला २०८१ यहि कार्तिक २६ गते हुने भएको छ ।
गंगाजमुना गाउँपालिका द्धारा आयोजित कार्यक्रममा वरिष्ठ गायिका मनमाया वाईवा, गायक सागर विसी, गायिका दिपिका वयम्बु मगर, गायक सरोज सिंखडा,मोडल÷गायिका रितु तामाङ, म्हेन्दोमाया गायक युवी मंग्रेसा, सन्दिप तामाङ, गायिका बिन्दा परियार,मोडल गायिका रुपा एस घले, कमिडियन तथा जादुगर अमिश उपरकोटी र गरिबको दुःख टेलिसिरियल गु्रपको विशेष प्रस्तुती रहनेछ । साथै गंगाजमुना गाउँँपालिका वडा नं १ बाट सामुहिक झाक्री नाच, वडा नं २ बाट तामाङ सेलो नाच, वडा नं ३ बाट लामा नाच, वडा नं ४ बाट मारुनी नाच, वडा नं ५ बाट कौरा नाच, वडा नं ६ बाट चौँरी घोडे नाच, वडा नं ७ बाट लाखे नाच र टाकटुके नाच प्रदर्शन गरिने आयोजक समितिले जनाएको छ ।
