धादिङ । रुबीभ्याली ५ लापामा चैत १८ गते डा. जोन पुनालुर (प्रमुख बक्ता)को सहभागीतामा सामुदायिक लापा इसाई समाज ईष्टर सण्डे कार्यक्रम २०८० हुने भएको छ ।
ख्रीष्ट यशुको पुनरुत्थान महोत्सवको रुपमा इसाई धर्मावलम्बीहरुले मनाइने इष्टर सन्डे विशेष बृहत कार्यक्रम रुबीभ्याली गाउँपालिका वडा न.५ को मुख्य आर्थिक सहयोगमा सामुदायिक लापा इसाई समाजको आयोजनामा साबिकको लापा गाबिस हालको रुबीभ्याली ५ र ६ वडाहरुका स्थानीयहरुको सयुक्त सहभागीतामा चैत १८ गते हुन लागिएको हो ।
उक्त कार्यक्रमको प्रमुख आतिथ्यता रुबीभ्याली गाउँपालिका अध्यक्ष रामसिंह तामाङ र विशेष आतिथ्यतामा गाउँपालिका उपाध्यक्ष फेलामा तामाङको रहनेछ भने अतिथिहरुमा रुबीभ्याली ५ का अध्यक्ष रम्बा तामाङ, वडा न. ६ का अध्यक्ष समीर गुरुङ त्यस्तै रुबीभ्याली इसाई समाजका अध्यक्ष सुमन घले लगायतका ब्यक्तित्वहरुको आतिथ्य रहने संस्थाका अध्यक्ष रुपक गुरुङले जानकारी दिनु भयो ।
