चिनले सहयोग गरे लगत्तै अमेरिकाले पनि अफगानिस्तानलाई आर्थिक सहयोग गर्ने घोषणा

एजेन्सी । तालिबानहरूले सत्ता चलाइरहेको अफगानिस्तानमा मानवीय सहायता उपलब्ध गराउन संयुक्त राज्य अमेरिकाले १४ करोड ४० लाख डलर ( १७ अर्ब बढी रुपैयाँ) दिने भएको छ। यश अघि केही दिन पहिला चिनले पनि अफगानिस्तानलाई आर्थिक सहयोग गरिसकेको छ ।

अमेरिकी विदेश मन्त्री एन्टोनी ब्लिन्केनले सामाजिक सञ्जाल ट्वीटरमार्फत् उक्त रकम सहयोग गर्न लागेको जानकारी दिएका छन्। युएसएड र अमेरिकी विदेश मन्त्रालयले उक्त रकम दिन लागेका हुन्।
अफगानिस्तानमा अहिले खाद्यान्न अभावको समस्या चुलिएको छ। सहयोग रकम मानवीय सहायतासम्बन्धी स्वतन्त्र संस्थाहरूमार्फत्  अफगान नागरिकसम्म पुर्‍याइने बताइएको छ। यो रकम पोषण, आधारभूत स्वास्थ्य सेवा, कृषिलगायत क्षेत्रमा खर्च हुने छ।

योसहित अफगान शरणार्थीको पुनर्स्थापनालगायत विषयमा सन् २०२१ मा मात्रै ४७ करोड ४० लाख डलर अफगानिस्तान सहयोग गरेको  अमेरिकाले जनाएको छ।
गत अगस्ट १५ मा अमेरिकासमर्थित सरकारलाई हटाएर तालिबानले काबुल कब्जा गरेका थिए। तालिबान सरकारलाई हटाएर २० वर्षदेखि अफगानिस्तान सेना पठाएको अमेरिका अगस्ट अन्तिममा तालिबानलाई नै काबुलको सत्ता छोडेर बाहिरिएको थियो।

तालिबान सत्तामा आएपछि अफगानिस्तानमा अन्तर्राष्ट्रिय सहायता रोकिएको छ भने अमेरिकी बैंकमा रहेको उसको सञ्चित रकममा पनि प्रतिबन्ध लगाइएको छ।

  
 
  
 

LEAVE A REPLY

Please enter your comment!
Please enter your name here