अन्तर्राष्ट्रिय खबर । गाजामा जारी इजरायली सैन्य कारबाहीमाथि दुई प्रमुख इजरायली मानव अधिकार संस्थाहरूले गम्भीर आरोप लगाएका छन्। उनीहरूले इजरायली सरकारमाथि नरसंहार गरेको आरोप लगाउँदै सार्वजनिकरूपमा आलोचना गरेका छन्।
इजरायलकै संस्था बेत्सेलेम (B’Tselem) र फिजिसियन्स फर ह्युमन राइट्स इजरायल (Physicians for Human Rights–Israel) ले संयुक्त रूपमा रिपोर्ट सार्वजनिक गर्दै गाजामा सामान्य नागरिकहरूमाथि लक्षित आक्रमण भएको दाबी गरेका हुन्।
उनीहरूका अनुसार—
इजरायली सेनाले गरिएको आक्रमणमा अत्यधिक बल प्रयोग गरिएको छ।
स्वास्थ्य सेवा, खानेपानी, औषधी र सुरक्षित आश्रय अभावले मानवीय संकट गहिरिँदै गएको छ।
उनीहरूले गाजामा देखिएको अवस्था “नरसंहारजस्तै” भएको उल्लेख गरेका छन्।
इजरायली सरकारको प्रतिक्रिया:
इजरायली सरकारका प्रवक्ता डेभिड मेन्सर ले यी दाबीहरूलाई राजनीतिक उद्देश्यप्रेरित भन्दै खारेज गरेका छन्। उनका अनुसार सेनाको कारबाही हामास विरुद्ध लक्षित थियो, सामान्य जनतामाथि होइन।
इजरायली विदेश मन्त्रालयले समेत रिपोर्टलाई “पूर्वाग्रही र अपूर्ण तथ्यमा आधारित” भनेर अस्वीकार गरेको छ। उनीहरूले अक्टोबर ७ मा हामासद्वारा गरिएको हमलाको जवाफस्वरूप यो कारबाही गरिएको बताउँदै आफ्नो रक्षा अधिकार प्रयोग गरिएको तर्क गरेका छन्।
