धादिङ । खनियाबास गाउँपालिकाको दोस्रो गाउँ सभाको दोस्रो अधिबेशन शुक्रबार गाउँपालिकाको कार्यालय दार्खामा सम्पन्न भएको छ ।
समुन्नत खनियाबासको आधार, कृषि र पर्यटन सहितको पुर्वधार भन्ने मुल नाराका साथ दोश्रो गाऊँसभा सम्पन्न भएको हो ।
कार्यक्रममा प्रमुख अतिथिमा पालिका अध्यक्ष रण बहादुर तामाङको रहेको थियो भने विशेष अतिथिमा पालिका उपाध्यक्ष सेक्केमान तामाङ र निबर्तमान उपाध्यक्ष योमाया तामाङको आतिथ्य रहेको थियो ।
त्यस्तै अन्य अतिथिहरुमा प्रशासकीय निमित्त अधिकृत नवराज श्रेष्ठ, सहायक प्रशासकीय अधिकृत पुष्कल श्रेष्ठ र जिल्ला समन्वय समितिका सदस्य रवीन्द्र जंग तामाङ लगायत वडा अध्यक्ष, कार्यपालिका सदस्य र वडा सदस्यहरुको उपस्थित रहेको थियो ।
