धादिङ । सब डिभिजन वन कार्यालय स्तरीय योजना तर्जुमा गोष्ठी मंगलबार रुविभ्याली गाउँ पालिका वडा नं ४ को बोराङमा सम्पन्न भएको छ ।
उक्त गोष्ठीमा १४ वटा सामुदायिक वन र ५ वटा कबुयति वन उपभोक्ता समुहको पदाअधिकारीहरु, रुविभ्याली ४ का वडा अध्यक्ष प्रशान्त तामाङ, रुविभ्याली सव डिभिजन वन कार्यालयका सहायक वन अधिकृत राज कुमार ठाकुर र वन रक्षक सुजन अर्यालको उपस्थितिमा भएको थियो ।
कार्यक्रममा वर्तमान सामुदायिक वनहरुमा देखिएको समस्याहरुको बारेमा छलफल गरिएको थियो भने गोष्ठीको सहजीकरण रुविभ्याली सव डिभिजन वन कार्यालयका सहायक वन अधिकृत राज कुमार ठाकुर र वन रक्षक सुजन अर्यालले गर्नु भएको कालो कुण्ड सामुदायिक वन उपभोक्ता समुहका अध्यक्ष बम्पा तामाङ (बम सागरले) होराईजन खबरलाई बताउनु भयो।
