धादिङ । रुबीभ्याली ४ बोराङ स्थित मर्कुस तामाङको घरमा बुधबार आगलागी भएको छ । स्थानीयको भनाइ अनुसार ग्यास सिलिन्डर पड्किएर आगलागी सुरु भएको थियो ।
आगलागी बाट तामाङको लाखौंको धनजनको क्षति भएको छ । एउटा मोटरसाइकल, कुखुराका चल्लाहरु, कुखुराको दाना, भाडाकुडा, लत्ताकपडा लगायत जिन्सी सामानहरु समेत जलेर नष्ट भएको छ ।
मर्कुस तामाङ बिगत ४/५ बर्ष देखि उक्त स्थानमा भाडामा मासु पसल तथा कुखुरा पालन ब्यबसाय संचालन गर्दै आउनु भएको थियो । उहाँको स्थायी घर भने रुबीभ्याली ६ तिर गाउँ रहेको छ ।
