काठमाडौँ । नेपाल प्रहरीले ६ सयभन्दा बढी नागरिकलाई ठगेको आरोपमा विकाश वाइबा भनिने सुजन तामाङ पक्राउ गरेको छ । उपत्यका अनुसन्धान कार्यालय काठमाडौँको टोलीले ललितपुर झम्सीखेलबाट तामाङलाई पक्राउ गरेको हो ।
ललितपुर घर भएको तामाङले युरोपियन मुलुक पटाउँछु भनेर ६९ करोड ठगी गरेको पाइएको उपत्यका अपराध अनुसन्धान कार्यालयका एसएसपी सोमेन्द्र सिंह राठौरले जानकारी दिए । उनले आफ्नै विकाश बाइवाको नामबाट ३७ करोड र सुजन तामाङको नामबाट ३२ करोड ठगी गरेका थिए । प्रहरीले सुजनसँगै उनका सहयोगी अर्जुन तामाङलाई पनि पक्राउ गरेको छ । सुजन नुवाकोटका स्थानीय हो ।
तामाङलाई पक्राउ गरेको जानकारी पाएसँगै उपत्यका अपराध अनुसन्धान कार्यालयमा सय जनाभन्दा बढीको भीड लागेको छ ।
