धादिङ । खनियाबास गाउँपालिका-५ सत्यदेवी स्थित बच्छला खेलमैदानमा अहिंसावादी युवा क्लवको आयोजनामा क्लबको १५ औ बार्षिक उत्सव तथा नयाँ बर्ष २०८० को उपलक्ष्यमा बैशाख ०५ गते देखि “प्रथम अहिंसाबादी कप” खुला पुरुष फुटबल प्रतियोगिता गर्ने भएको छ ।
अहिंसाबादीका अध्यक्ष-मोजोन तामाङ, संयोजक-साजन घले र सचिब- रजित लामा लगायतका सदस्यहरुको बैठकले गाउँपालिका सँग समन्वयमा खेल संचालन गर्ने निर्णय गरेको हो ।
प्रतियोगितामा प्रथम पुरस्कार नगद रु.५० हजार, मेडल, प्रमाणपत्र प्रदान गरिने छ भने ,दोश्रोले २० हजार, तेश्रोले ७ हजार र उत्कृष्ट खेलाडीलाई ५ हजार प्रदान गरिने र उत्कृष्ट गोल किपरलाई ५ हजार, उच्च गोलकर्तालाई ५ हजार प्रदान गर्ने निर्णय समेत गरेको छ ।
खेलमा सहभागी हुन इच्छुक टिमले वैशाख ०२ देखी ०४ गते सम्म दर्ता गर्न सकिने क्लबका सचिव रजित लामाले होराइजन खबरलाई जानकारी दिनु भएको हो ।
थप जानकारीको लागि क्लब द्वारा प्रकाशित सुचनामा हेर्न सकिनेछ । 
