धादिङ । ज्वालामुखी गाउँपालिका स्तरीय राष्ट्रपति रनिङ शिल्ड प्रतियोगिता मंगलबार सम्पन्न भएको छ । १२ वटा विद्यालयहरु सहभागी उक्त प्रतियोगितामा प्रथम सुनखानी मा.वि., द्वितीय भूवनेश्वरी मा.वि., तृतीय-अन्नपूर्ण मा.वि. र चौथो -शमी भनज्यङ मा.वि. हुन सफल भएका छन ।
कार्यक्रममा प्रमुख आतिथ्य प्रदेश सांसद गोबिन्द लम्सालको रहेको थियो भने विशेष अतिथिमा उप-प्रमुख धर्म ब .आर्याल, जिल्ला खेलकुद बिकास समितिका अध्यक्ष प्रताप सिं. तामाङ र सभाअध्यक्षमा गाउँ पालिमा अध्यक्ष यमनाथ दनैले गर्नु भएको थियो त्यस्तै वडा अध्यक्षहरु र बिभिन्न राजनीतिक दलहरूका प्रतिनिधिहरुको आतिथ्य समेत रहेको थियो ।
कार्यक्रमलाई सम्बोधन गर्नु हुँदै प्रमुख अतिथि गोबिन्द लम्सालले प्रदेशबाट गर्न सकिने सबै खालको सहयोग गर्ने प्रतिबद्धता ब्यक्त गर्नु भयो ।
