धादिङ । नेकपा एमाले धादिङले संघीय लोकतान्त्रिक गणतन्त्रको संरक्षण र प्रतिगामी शक्तिहरूको विरोधमा गल्छी गाउँपालिका-६, महेशदोभानमा जागरण सभा सम्पन्न गरेको छ।
सभामा एमाले नेताहरू पद्मा अर्याल, खेम प्रसाद लोहनी, भूमी प्रसाद त्रिपाठी लगायतले राजतन्त्र पुनःस्थापनाको प्रयास विफल हुने दाबी गर्दै गणतन्त्रको रक्षा गर्न सबैलाई सचेत रहन आग्रह गरे।
राजावादीको अराजक आन्दोलनको निन्दा गर्दै, एमाले नेताहरूले लोकतान्त्रिक व्यवस्थाको विकल्प नभएको स्पष्ट पारे। कार्यक्रममा जिल्ला तथा प्रदेश कमिटीका सदस्यहरू, स्थानीय नेताहरू र कार्यकर्ताहरूको उल्लेखनीय उपस्थिति रहेको थियो।
