जनकपुरधाम । रेलले किचेर धनुषामा एक जनाको मृत्यु भएको छ । जयनगरबाट जनकपुरधामका लागि छुटेको रेलले किचेर एक जनाको मृत्यु भएको हो । मृतको परिचय खुल्न नसकेको जिल्ला प्रहरी कार्यालय धनुषाले जनाएको छ ।
धनुषाको विदेह नगरपालिका वैदेही स्टेसनमा रेल चढ्न लागेका बेला खुट्टा अड्किएका व्यक्तिको रेलले किचेर मृत्यु भएको प्रहरीको भनाइ छ । रेलमा जबरजस्ती चढ्न लाग्दा खुट्टा फसेर लिकमा खसेका ती व्यक्तिको मृत्यु भएको नेपाल रेल्वे महाप्रबन्धक निरञ्जन झाले जानकारी दिए ।
