रामेछापको बेथानबाट काठमाडौं जाँदै गरेको यात्रुबाहक बस दुर्घटना हुँदा ९ जनाको मृत्यु भएको छ। मंगलबार बिहान बा ३ ख ८३९६ नम्बरको अरनिको यातायातको बस खाँडादेवी गाउँपालिका-१ लुभुघाट नजिकै दुर्घटना भएको डीएसपी राजकुमार थिङले जानकारी दिए। उनका अनुसार ४ जना महिला र ५ जना पुरुषको मृत्यु भएको हो। उनीहरुको पहिचान खुल्न बाँकी रहेको छ।
दुर्घटनामा घाइते भएकामध्ये २४ जनालाई उपचारको लागि धुलिखेल अस्पतालतर्फ पठाइएको छ। प्रहरी टोलीले उद्धार कार्य जारी राखेको उनले बताए।
