सोमबार केपी ओली निवास बालकोट पुगेर एमाले प्रवेश गरेका धादिङको वेनिघाट रोराङ गाउँपालिकाका अध्यक्ष पित्त बहादुर डल्लकोटी (हरि) आज मुल पार्टीमै फर्किएका छन् ।
समकक्षी नेता कार्यकर्ताको दवाबपछि एमाले प्रवेश गरेको चौविस घण्टा नबित्दै माओवादीमै फर्किएका हुन् ।
नेकपा माओवादी केन्द्रबाट २०७४ सालको स्थानीय तह निर्वाचनमा धादिङ जिल्लामा निर्वाचित एक मात्र अध्यक्ष हुन् । एमाले पृष्ठभूमिमा हुर्किएपनि द्वन्द्वको समयमा माओवादीमा लडेका डल्लाकोटी १५ वर्षदेखि निरन्तर माओवादीकै विभिन्न संगठनहरुमा सकृय थिए ।
पहिलो स्थानीय निर्वाचनमा नेपाली कांग्रेस र माओवादी गठबन्धन गरेर डल्लाकोटी अध्यक्षमा बिजयी भएका थिए ।
