अन्तर्राष्ट्रिय खबर । अमेरिका–युक्रेन शान्ति प्रयासः २० बुँदे प्रस्तावमा सहमति नजिक
अमेरिका र युक्रेनबीच रूस–युक्रेन युद्ध अन्त्यका लागि तयार पारिएको २० बुँदे शान्ति योजनामा उल्लेख्य प्रगति भएको छ। अमेरिकी राष्ट्रपति डोनाल्ड ट्रम्प र युक्रेनी राष्ट्रपति भोलोदिमिर जेलेन्स्कीबीच फ्लोरिडाको मार–ए–लागोमा भएको लामो भेटवार्तामा शान्ति योजनाबारे गहन छलफल भएको हो।
शान्ति योजनाका मुख्य बुँदाहरू:
युक्रेनको सार्वभौमसत्ता पूर्ण रूपमा स्वीकार गरिने
रूस र युक्रेनबीच आक्रमण नगर्ने सम्झौता
सीमा क्षेत्रमा ड्रोनमार्फत कडा निगरानी
युक्रेनलाई दीर्घकालीन सुरक्षा ग्यारेन्टी
युक्रेनी सेनाको संख्या ८ लाखमै कायम
अमेरिका र नेटोबाट आर्टिकल–५ सरहको सुरक्षा सहयोग
रूसले युक्रेनमाथि आक्रमण नगर्ने विषयमा कानुनी प्रतिबद्धता
युक्रेनलाई युरोपेली संघको सदस्यता दिने मार्ग खुल्ने
युक्रेनको विकासका लागि ठूलो आर्थिक सहायता प्याकेज
८०० अर्ब डलरको पुनर्निर्माण कोष गठन
अमेरिका–युक्रेनबीच स्वतन्त्र व्यापार सम्झौता
युक्रेन परमाणु हतियारविहीन राष्ट्र रहने
जापोरिज्जिया परमाणु केन्द्रको संयुक्त व्यवस्थापन
विवादित क्षेत्रमा युद्ध रोक्ने वा निशस्त्रीकरण क्षेत्र बनाउने
सम्झौतापछि भू–भाग बल प्रयोग गरी परिवर्तन गर्न नपाइने
ड्निप्रो नदी र कालो सागरमा युक्रेनको व्यापारिक पहुँच खुला
सबै युद्धबन्दी, बालबालिका र नागरिक फिर्ता
शान्ति सम्झौतापछि युक्रेनमा निर्वाचन
‘शान्ति परिषद्’ गठन गरी सम्झौताको अनुगमन
सबै बुँदामा सहमति भएपछि तत्काल युद्धविराम लागू
मुख्य विवाद:
डोनबास क्षेत्रको भू–भाग अझै सहमतिमा आउन सकेको छैन
अमेरिकाले डोनबासलाई स्वतन्त्र आर्थिक क्षेत्र बनाउने प्रस्ताव राखेको
युक्रेनले जनमत संग्रहमार्फत निर्णय हुनुपर्ने अडान दोहोर्याएको
नेताहरूले सहमति अत्यन्त नजिक पुगेको बताएका छन्। यद्यपि, भूमि सम्बन्धी विवाद समाधान भए मात्र अन्तिम शान्ति सम्झौता सम्भव हुने देखिएको छ।
