धादिङ । रुवीभ्याली गाउँपालिकामा धादिङ जिल्लाको प्रमुख जिल्ला अधिकारी सुमन घिमिरे सहित सुरक्षा निकायको प्रमुखहरुले भ्रमण तथा निरीक्षण गरेका छन् ।
उक्त भ्रमण तथा निरीक्षण कार्यक्रममा रुवी भ्याली गाउँपालिका अध्यक्ष रामसिंह तामाङले स्वागत गरेका थिए ।
प्रहरी उपरीक्षक दीपेन्द्र शाही, राष्ट्रिय अनुसन्धान विभाग धादिङका उपनिर्देशक नरेन्द्र गिरि, सशस्त्र प्रहरी नायव उपनिरीक्षक लक्ष्मी थपलिया र प्रहरी निरीक्षक प्रल्हद सिलवाल सहितको टोलि भ्रमणमा रहेको थियो ।
भ्रमण तथा निरीक्षण कार्यक्रममा बराङ सबस्टेशन निर्माण प्रक्रिया ढिलासुस्ती समस्यालाई समाधान गर्नुपर्ने, सडक स्तर उन्नति, सशस्त्र प्रहरीको सिमा सुरक्षा बल (बिओपि) को स्थापना लगायत विद्यालय निरीक्षणसंगै सुरक्षाका विषयमा ध्यानाकर्षण गरिएको अध्यक्ष रामसिंह तामाङले बताए ।
