धादिङ । रुबीभ्याली ६ कुप्चेतमा रहेको कर्मा वर्गङ डुप्चेन गुम्बाको नयाँ बन्न लागेको भवनको आगामी मंसिर ७ गते शिलान्यास हुने भएको छ ।
मिति २०२० सालमा स्थापना भएको उक्त गुम्बा २०७२ सालको भूकम्पले क्षति पुर्याए सगै हाल सम्म पनि पुर्ननिर्माण हुन सकेको थिएन ।
सयौं बौद्ध धर्मावलम्बीहरु भएको यस गाउँमा पुजापाठ लगायत बिभिन्न कर्मकाण्ड गर्न गुम्बा नहुदा स्थानीयलाई अत्यन्तै समस्या भएको थियो ।
शिलान्यास समारोहमा काठमाडौको बौद्ध स्थित सिचेन गुम्बाका खेन्पो थुप्टेन हिसे आचार्य द्वारा विशेष पुजापाठ सहित शिलान्यास हुने छ ।
बिगत लामो समय देखि गुम्बा निर्माणका लागि बिभिन्न निकायमा पहल गरीए पनि कुनै किसिमको सहयोग प्राप्त नभएको कारण हाल स्थानिय बौद्ध धर्मावलम्बीहरु स्वयमको सक्रियतामा आर्थिक रकम संकलन गरि गुम्बा निर्माण गर्न लागि पर्नु भएका छन । यद्यपि आवस्यक रकम संकलनमा अभाब भएको कारण सम्पुर्ण मनकारी सहयोगी दाताहरुमा आर्थिक सहयोगको लागि अनुरोध समेत गरिएको छ ।
