धादिङ । धादिङको बेनिघाट रोराङ गाउँपालिका वडा नम्बर २ जोउराखाईमा भिरबाट लडेर गर्भवती महिलासहित २ जनाको मृत्यु भएको छ ।
मृत्यु हुनेमा बेनिघाट रोराङ गाउँपालिका वडा नम्बर २ मासखर्क (जोउराखाई)का १९ वर्षीय अप्सरा चेपाङ र उनका छोरा २ वर्षीय साजन चेपाङको मृत्यु भएको जिल्ला प्रहरी कार्यालय धादिङका प्रहरी उपरीक्षक गौतम मिश्रले जानकारी दिनुभयो ।
कातुके चुलीको भीरमा घाँस काट्न गएका बेला छोरा भीरबाट लडेपछि उद्धार गर्न जाँदा आमा अप्सरा चेपाङ र पेट भित्र रहेका ७ महिनाको बच्चाको समेत मृत्यु भएको मिश्रले जानकारी दिनुभयो । घाईते भएका अप्सरा र उनका छोराको मलेखु टिचिङ अस्पतालमा मृत्यु् भएको जिल्ला प्रहरी कार्यालय धादिङले जनाएको छ ।
शव पोष्ट मार्टमको लागि अहिले गजुरी प्राथमिक स्वास्थ्य केन्द्रमा ल्याइएको छ ।
