काठमाडौं । इन्डियन आइडल सिजन–१३ को उपाधि ऋषि सिंहले जितेका छन् । आइतबार राति भएको फाइनलमा कोलकाताकी देवोस्मिता रोयलाई पछि पार्दै बनारसका ऋषिले उपाधि हात पारेका हुन् ।
उनले २५ लाख भारतीय रुपैयाँसहित मारुती सुजुकी कार पाएका छन् । फस्ट रनरअप बनेकी रोयले ५ लाख रुपैयाँ प्राप्त गरिन् । चिराग कोटवाल तेस्रो भएका छन् ।
फाइनलमा ६ जना प्रतिस्पर्धी थिए । जनताको भोटका आधारमा सोनाक्षी कर छैठौं, शिवम सिंह पाँचौं र विदिप्ता चक्रवर्ती चौथो बनिन् ।
