धादिङ । रुबिभ्याली गाउँ प्रहरी सेवा करार अन्तर्गत सहायक निरीक्षकमा रुबीभ्याली १ तिप्लिङका सिमोन थापा तामाङ नियुक्त भएको छ भने हवल्दारमा रुबीभ्याली ३ सेर्तुङको सबिन तामाङ नियुक्त भएको गाउँपालिकाले एक सूचना प्रकाशन गर्दै जानकारी गराएको हो ।
गाउँपालिकाले गाउँ प्रहरी सहायक निरीक्षक १ जना , हवल्दार १ जना र जवान ५ जना सहित जम्मा ७ जनाको करार दर्वन्दी सेवा माग गरेको थियो ।
गाउँपालिका भित्र हुने विभिन्न अपराध, गैरकानुनी रुपमा हुने कार्यहरु रोकथाम, पालिकाको सिमामा विशेष निगरानी सहित सुरक्षा र आन्तरिक तथा वाह्य पर्यटकहरूलाई सुरक्षित महशुस गराउनका लागि गाउँ प्रहरी सेवा ल्याइएको गाउँ पालिका प्रमुख रामसिङ तामाङ बताउनु हुन्छ ।
