धादिङ, सोम बहादुर तामाङ । इसाई धर्मावलम्बीहरुको महान पर्व ख्रिष्टमसको अवसरमा रुबीभ्याली २ को टिप्लिङमा ६ वटा चर्चहरुको संयुक्त ख्रिष्टमस महोत्सव तथा शुभकामना आदानप्रदान कार्यक्रम हुने भएको छ ।
साविकको टिप्लिङ गाबिस अन्तर्गत रहेका रुबीभ्यालीका १ र २ वडाका लब्दुङ ख्रीस्तको मण्डली, बिलिभर्स इन्स्टन चर्च, ङसिङ्यो मण्डली, लिङ्जो ख्रीस्तको मण्डली, च्यात मण्डली, खुसी मण्डली गरि ६ वटा चर्चहरुको संयुक्त सहभागीतामा कार्यक्रम हुन लागिएको हो ।
कार्यक्रमको प्रमुख अतिथि रुबीभ्याली गाउँपालिका प्रमुख रामसिङ तामाङको आतिथ्यतामा हुनेछ भने सोही कार्यक्रममा स्थानीय अगुवा तथा पास्टरहरुलाई सम्मान कार्यक्रम सहित, स्थानीय खृष्टियन कलाकारहरुको विशेष प्रस्तुति रहने सोम बहादुर तामाङले होराईजन खबरलाई बताउनु भयो ।
