धादिङ । २६०६ ओै तमु ( गुरुङ) ल्होसार २०७९ को अवसरमा पौष १३-१५ गते सम्म ‘बाइथान देबि आमा समूह रुबीभ्याली – ६’ खादिङ गाउँको आयोजनामा सभ्य र भब्यताका साथ ल्होसार विशेष शुभकामना आदान प्रदान, सांस्कृतिक तथा खेलकुद कार्यक्रम हुन लागिएको आँखु खोला गुरुङ समाज धादिङका अध्यक्ष तथा पर्यटन व्यावसायी टेक बहादुर गुरुङले होराईजन खबरलाई बताउनु भयो ।
पौष १३ गते सोही वडाका अध्यक्ष समिर गुरुङको प्रमुख आतिथ्यमा उद्वघाटन समारोह हुने छ, भने १५ गते सुर्य नेपाल प्रा. लि. का वरिष्ठ प्रबन्धक बाल किसन गुरुङको प्रमुख अतिथ्य तथा रुबीभ्याली गाउँपालिका अध्यक्ष, उपाध्यक्षको विशेष आतिथ्यता एब सम्पुर्ण पालिकाको वडा अध्यक्षहरु लगायत राजनीतिक दलका प्रतिनिधिहरुको आतिथ्यतामा कार्यक्रम समापन हुनेछ ।
कार्यक्रममा पुरुष भलिबल प्रतियोगिता, छेलो प्रतियोगिता, घैटो फुटाउने एबं दोहोरी प्रतियोगिता समेत हुने छ भने, समापन समारोहको सांस्कृतिक कार्यक्रमलाई विशेष बनाउन चर्चित कलाकारहरुको बेजोडको प्रस्तुति समेत रहने गुरुङले बताउनु भयो ।
