गोर्खा । बारपाक सुलिकोट गा.पा. १ गोर्खा कि बारपाक बस्ने १८ वर्षीया सुचिना गत मंसिर १५ गते घाँस काट्न घरबाट जंगलमा गएकी थिइन् । त्यस दिन देखि हराएकी सुचिना मंसिर १८ गते माइखर्क जङ्गलमा गाडिएको अवस्थामा शव फेला परेको थियो ।
बिगत केही दिन देखिको निरन्तर हत्याराको खोजी प्रयास पछि बारपाक सुलिकोट गा.पां १ को ४३ वर्षीय मन शम्जेर गुरुङले हत्या गरेको आरोपमा गत २४ गते पक्राउ गरिएको थियो । साथै हत्यारा गुरुङलाई मंगलबार गोरखा जिल्ला अदालतले हिरासतमा राखेर अनुसन्धानका लागि पाँच दिनको म्याद थप गरी घटना सम्बन्धमा थप अनुसन्धान भइरहेको छ । मंगलबार नै घलेको हत्यामा संलग्नलाई प्रहरीले पक्राउ पछि हत्याराको सार्वजनिक गरिएको थियो ।
घटनामा संलग्न रहेको आसङ्कामा ५० जना भन्दाबढी ब्यक्तिहरु संग हप्तौं लगाएर अनुसन्धान गरि प्रहरी सहित स्थानीयको साथ सहयोग र सहभागीतामा हत्यारा समातिन सफल भएको हो । हत्याराले बलात्कारको प्रयासमा आफुले हत्या गरेको स्वीकार गरेको छ ।
